წინამდებარე ალბომში შევიდა სიმღერები კონსერვატორიის დიდ დარბაზში გამართული 2008-2009 წლების სოლო კონცერტებიდან. 2008 წელს კონცერტი ჩაიწერა "ფოლკ რადიომ", 2009 წელს _ რადიო "მუზამ". მიუხედავად სიმღერების მცირე რაოდენობისა, თვალშისაცემია მათი დიალექტური მრავალფეროვნება _ ქართლური, კახური, ფშაური, ხევსურული, იმერული, გურული, ლეჩხუმური, აჭარულ-შავშური (მაჭახლური), მეგრული... მათი უმეტესობა ან იშვიათი ჩანაწერებიდანაა გაცოცხლებული, ან თავად ხელმძღვანელის მიერ ექსპედიციებშია მოპოვებული.
...სულხან-საბას მიხედვით, "სახიობა" ნიშნავს მწყობრ, ტკბილხმოვან მუსიკას, ხმიერს თუ საკრავიერს (გალობისას თუ სიმღერისას). ანსამბლი ამართლებს თავის სახელს და ტკბილხმოვანი ქართული სიმღერა-გალობით ანებივრებს მსმენელს.
...წინამდებარე კომპაქტდისკში შესულია ლიტურგიკული წელიწადის სხვადასხვა ციკლის (ქრისტეს ბრწყინვალე აღდგომის, დიდმარხვის და სხვ.), წეს-განგებისა (სამწუხრო, საცისკრო, წირვის, ჟამნობისა) და ლიტურგიკული ფუნქციის (ძლისპირი, ოხითა, ღმრთისმშობლისა და სხვ.) საგალობლები, რომელთა შორისაა როგორც ქართლ-კახური, ისე იმერულ-გურული კილოს ნიმუშები. კომპაქტდისკი უთუოდ მნიშვნელოვანი შენაძენი იქნება არა მხოლოდ პროფესიონალ მუსიკოსთათვის, არამედ ძველი ქართული სამგალობლო ხელოვნებით დაინტერესებული ფართო წრეებისთვისაც.
2008 წლის ზაფხულში ანსამბლმა 'სახიობა'-მ გამოსცა კომპაქტ-დისკი. რომელშიც შესულია ძველი ჩანაწერებიდან აღდგენილი 17 ნიმუში. ამ დისკში შესულია საქართველოს თითქმის ყველა კუთხის მუსიკა. ანსამბლი შეეცადა თითოეულ სასიმღერო ნიმუშში, კუთხის დამახასიათებელი კილო-წყობა და ხასიათი წარმოედგინა. იმედია ეს კომპაქტ-დისკი საინტერესო იქნება ქართული ტრადიციული მუსიკის მსმენელთათვის.
კომპაქტ დისკის შეძენა შესაძლოა თბილისის საეკლესიო მაღაზიებში. საპატრიარქოსთან არსებულ გალობის ცენტრში.
...სულხან-საბას მიხედვით, "სახიობა" ნიშნავს მწყობრ, ტკბილხმოვან მუსიკას, ხმიერს თუ საკრავიერს (გალობისას თუ სიმღერისას). ანსამბლი ამართლებს თავის სახელს და ტკბილხმოვანი ქართული სიმღერა-გალობით ანებივრებს მსმენელს.
